Nótë na dzysôdniową chërã

Jastrë

Dziś Wielkanoc - Dzysô Jastrë

Wielki Piątek - Płaczëbóg/Wiôldżi Piątk
Koszyk ze święconką - Czipka/Kòszik ze swiãconką
Święcenie potraw - Swiãcenié môltëchów
Zajączek wielkanocny - Jastrowi zajc
Bochen chleb, biała kiełbasa, szynka, ser i jajka - Brót chleba, biôłô wôrzta, szpiek, sér ë jaja
Śmingus-dyngus - Dëgùs

Żëcé i przigòdë Remùsa - Życie i przygody Remusa

Wspomnienie zeszłorocznego Dnia Jedności Kaszubów i wprowadzenie do lektury.

CZEMÙ BAŃTKA TAK DZYWNO WËZDRZI?

Jednégò razu rëbë ze wszëtczich wòdów zebrałë sã w Bôłce na naradze. Przeszła jim ùdba, że lëchò sã dzeje w jich mòkrim państwie. Ptôchë majã swòjégò króla. Je nim wiôldżi òrzéł, chtëren rozmieje latac wësok nad blónama. Sysczi téż znają swòjégò przédnika, dërgòcą ze strachù przed lwã na sóm zwãk jegò głosu. Nawetka lëdze mają swòjégò króla. Leno w naszim wòdnym swiece jesz dërch nie wiémë, chto je prôwdzëwim rządzëcelã - rzekłë. Ùmëslëłë so i òne wëbrac króla.

Pò dłudżich gôdkach i sztridach przeszła jim mësla, że kòrunã dostónie ta rëba, chtërna wëgraje miónczi z Hélu przez wik do Gduńska. W szeroczi rédze stanãłë: sandrë, płotczi, łosose i mùtczi, wãgòrze i szczëczi, pòmùchle, sledze i przedstôwcë wszëtczich jinëch zortów. Leno bańtka nie sfòrtowa. Nie chca leno pierszô doprzińc na môl, le jesz chca ùdawac wiôlgą panią i zadzëwòwac reszta. Równak òni nie żdelë na zaòstającą i naczãlë gòńbã na czas.

Czej bańtka przëbëła na sztart, wszëtczé rëbë bëłë ju dôwno w drodze i wnetka pierszô przëpłënãła na môl krótkò gduńsczégò pòrtu. Nasza paradnica bëła tam slédnô. Czej sã dowiedza, że dobëtnikã, a tej i królã rëbów, òstôł slédz, z zôzdroscë wëtrzészcza òczë, przëlgnã całim całã do gruńtu i wëkrzéwia przekãsno i z òbrzëgłoscą pëseczk. W nym sztóce spòtka jã kara: na wiedno òsta ji na brzëdkô mùnia.

https://www.facebook.com/Muzeum.we.Wdzydzach.Kiszewskich/videos/163277354844780/

1. Samp, Uczta stulecia (Opowiadanie o flądrze)- włôsny dolmaczënk autorczi